हामी सबैले खोप लगाउन पाउने छौंः स्वास्थ्य मन्त्रालय

काठमाडौं । नेपाल सरकार स्वास्थ्य तथा जनसंख्या मन्त्रालयले १८ वर्षमाथिका सबै नागरिकलाई कोरोना खोप दिने योजना बनेको जानकारी दिएको छ । यसका लागि आवाश्यक खोप व्यवस्थापन भइरहेको छ भने साउन १५ गतेसम्म ३२ लाख भेरोसेल खोप नेपाल आइसक्नेछ ।

चिनियाँ कम्पनी सिनोफार्मसँग सरकारले ४० लाख डोज खोपका लागि नन डिस्क्लोजेबल एग्रिमेन्ट गरे संगै त्यसबाट ८ लाख डोज खोप आइसकेको छ भने साउन ६ गतेदेखि थप खोप आपूर्ति हुनेछ । मन्त्रालयका सह(प्रवक्ता डाक्टर समिरकुमार अधिकारीले विज्ञप्ति जारी गर्दै भनेका छन्, हामी सबैले खोप लगाउन पाउने छौं ।’

उनका अनुसार कोभिसिल्ड खोपको पहिलो डोज लगाएका ६५ वर्षभन्दा माथिका नागरिकका लागि छिट्टै दोस्रो डोज दिने योजना छ ।