भक्तपुरमा हिलोमा गाडिएको अवस्थामा शव भेटियो

भक्तपुर । चाँगुनारायण नपा ८ सुडालस्थित बोजिनी ड्याममा पौडी खेल्ने क्रममा डुबेका एक युवकको लाश मंगलबार भेटिएको छ । सोमबार पौडी खेल्ने क्रममा डुबेका उनको शव हिलोमा गाडिएको अवस्थामा फेला परेको प्रहरीले जनाएको छ ।

मृतक पाँचथर तुम्बेवा गाउँपालिका वडा नं ४ घर भई हाल सुडालमा बस्दै आएका थिए । पोखरीमा डुबी बेपत्ता भए पछि सोमबार नै घटनास्थलमा पुगेको प्रहरीको उद्धार टोलीले मौसमको प्रतिकूलताको कारण लाश निकाल्न सकेको थिएन ।

मंगलबार घटनास्थल पुगी पानीमुनी पसी खोजी गर्दा लाश भेटिएको र पोस्टमार्टमका लागि दुवाकोटस्थित केएमसी अस्पताल पठाइएको प्रहरीले बताएको छ । लिम्बुसँगै पौडी खेल्न गएका प्रकाश लिम्बुसमेतसँग सोधपुछ गरी थप अनुसन्धान कार्य भइरहेको महानगरीय प्रहरी परिसर भक्तपुरमा प्रमुख प्रहरी उपरिक्षक तारा देबी थापाले बताईन् ।