- १० कार्तिक २०८३, मंगलवार / Oct 27, 2026
काठमाडौँ । प्रधानमन्त्री केपी शर्मा ओलीले ‘प्रचण्ड–नेपाल’ पक्ष निर्वाचनबाट तर्सिएकाले चुनावबाट भाग्न खोजेको आरोप लगाएका छन् ।
नेकपा काठमाडौं महानगर कमिटीद्वारा शुक्रबार काठमाडौंमा आयोजित बृहत् कार्यकर्ता भेलालाई सम्बोधन गर्दै ओलीले हार निश्चित हुने भएकाले ‘प्रचण्ड–नेपाल’ पक्ष निर्वाचनबाट भाग्न लागेको बताएका हुन । अब आउने चुनावमा प्रचण्ड–माधव पक्षको हालत ‘खराब’ मात्र नभएर जनताले सजाय समेत दिने जिकिर गरे ।
देशलाई ‘सांसद किनबेचको थलो’ बनाउन खोज्नेलाई जनताले अबश्यै सजाय दिएर छाड्ने दाबी गरे । संकटकाललाई देखाउँदै निर्वाचन सार्ने नियोजित हल्ला चलाइएको भन्दै उनले तोकिएको समयमा नै निर्वाचन गराएरै छाड्ने ठोकुवा गरे । सरकार र पार्टी सञ्चालनमा प्रचण्डले अवरोध गरेकोले अहिले आफै अलग्गिएर जाँदा पार्टी शुद्ध र अग्रगतिमा गएको जिकिर गरे ।
माघ २३ गते देश नै आफ्नो पक्षमा शक्ति प्रदर्शन गर्न लागेको दावी गर्दै ओलीले प्रदर्शनमा सहभागी हुन सबैलाई ह्वान समेत गरेका छन् ।
