- ४ भाद्र २०८३, बिहीबार / Aug 20, 2026
एजेन्सी । सिरियामाथि लगाइएका सबै एकपक्षीय प्रतिबन्धहरु तत्काल हटाउन चीनले आग्रह गरेको छ । चिनियाँ विदेश मन्त्रालयका प्रवक्ताले सोमबार संयुक्त राज्य अमेरिकालाई गैरकानूनी एकपक्षीय प्रतिबन्धहरू तत्काल हटाउन र मानवीय प्रकोप सिर्जना गर्ने कार्य बन्द गर्न आग्रह गरेका हुन् ।
प्रवक्ता वाङले अमेरिकाद्वारा सिरियामा लगातार सैन्य हस्तक्षेप, गैरकानुनी एकतर्फी प्रतिबन्धले सिरियाको अर्थतन्त्र र जनताको जीविकोपार्जनमा गम्भीर सङ्कट थपेको उल्लेख गरे ।
भूकम्पपछि अमेरिकी पक्षले लगाएको एकतर्फी प्रतिबन्धले सिरियामा पहिलो ७२ घण्टामा उद्धार कार्यमा बाधा पु¥याएको र अमेरिकी पक्षलाई भूराजनीतिक जोडघटाउलाई पन्छाएर सिरियामाथि लगाइएको सबै अवैध एकपक्षीय प्रतिबन्ध तुरुन्त हटाउन अनुरोध गरे ।
उनले भनेका छन् अमेरिकाले जानाजानी मानवीय प्रकोपहरू सिर्जना गर्ने काम तत्काल बन्द गर्न पर्छ ।
