- २९ जेष्ठ २०८३, शुक्रबार / Jun 12, 2026
एजेन्सी । कोलोराडो भ्रमणको योजना रद्द गर्दै अमेरिकी राष्ट्रपति जो बाइडेनले इजरायल भ्रमणमा जाने भएका छन् । उनले बुधबार इजरायलको भ्रमण गर्ने भएका हुन । प्यालेस्टिनको विद्रोही समूह हमासले गरेको आक्रमणपछि इजरायलले गरिरहेको जवाफी आक्रमण र अबको योजनाबारेमा जानकारी लिन बाइडेन इजरायल जान लागेका हुन । गाजामा मानवीय सहायताको अवस्थाबारेमा पनि जानकारी लिने कार्यक्रम रहेको छ ।
इजरायलले रोकेको पानी, औषधि र खाद्यान्नको आपूर्ति पुनः खुल्ला गरे पनि सहज भएको छैन । गाजाका १० लाखभन्दा धेरै मानिस विस्थापित भएका छन् । उत्तरी गाजाका प्राय : भवनहरु भत्किएका छन् । १० दिनदेखि चलिरहेको युद्धमा दुवै तर्फका गरी ४ हजार १ सय ५० जनाभन्दा धेरै मारिएका छन् । गाजामा भत्किएका भवनमा एक हजार जनाभन्दा धेरै मानिस पुरिएको बीबीसीले जनाएको छ ।
बाइडेन इजरायल भ्रमणपछि मध्यपर्व सुरक्षाको बारेमा छलफल गर्न जोर्डन जाने कार्यक्रम छ । इजरायली सेनाले गाजामा रकेट आक्रमण गरिरहेको छ । हमासले पनि सीमा क्षेत्रसहित इजरायलको राजधानी तेल अभिभमा रकेट प्रहार गरिरहेको छ । अहिले गाजा क्षेत्रको जनजीवन अस्तव्यस्त रहेको छ ।
