- १ श्रावण २०८३, शुक्रबार / Jul 17, 2026
काठमाडाैं । पर्यटक भिसामा नेपाल आएर एक चिनियाँ नागरिक चाङ्ग चिनस्याङ्ग अवैध गतिविधिमा संलग्न भएको पाईएको छ ।
अर्काको नाममा रहेको घास कम्पनी समेत आफ्नै भएकाे भन्दै शेयर उठाउने र कामदार नियुक्ति समेत गर्ने गरेकाे आराेप लागेकाे छ । गम बहादुर लामिछानेकाे नाम दर्ता भएकाे टियान यू इन्टरन्यासनल प्राइभेट लिमिटेड ती नागरिकले आफ्नै भएको दावी गरेर कामदार समेतलाइ ज्याला नदिएको मजदुरहरूले गुनासाे गरेका छन् ।
चितवनमा किसानकाे ६ विघा जमिनमा घास उत्पादन गर्ने उक्त कम्पनी गम बहादुर लामिछानेको नाममा रहेको प्रमाण भेटिएकाे छ । अवैध गतिविधिमा संलग्न रहेकाे पाइएपछि लामिछानेले उनकाे शेयर समेत जफद गरिदिएकाे बताएका छन् ।
चिनियाँ नागरिकले लगानी भित्राउने भनेर कुरा गरेको तर अहिले सम्म कुनै लगानी समेत नल्याएको र उल्टै ती नागरिकले १४ वर्ष देखि अवैध धन्दा चलाइरहेको दावी गरे । गम बहादुरको नाममा रहेको कम्पनीले चिनियाँ लगानी नेपाल भित्राउने कोशिस भने गरेको पाइएको छ ।
८ करोड लगानी नेपाल ल्याउने भन्दै राष्ट बैंकले समेत स्वीकृती दिएको छ । यता ती चिनियाँ नागरिकले कुवेर श्रेष्ठका नामबाट फेसवुक अकाउन्ट समेत खोलेर धेरैलाइ दु:ख दिइरहेको आरोप लागेको छ ।
