- २५ आश्विन २०८३, आईतवार / Oct 11, 2026
काठमाण्डौ । लामो समयदेखि बन्द रहेको मनकामना केबुलकार आइतबारदेखि सञ्चालनमा आउने भएको छ । कोरोना सङ्क्रमण बढेसँगै गत वैशाख १६ गतेदेखि बन्द भएको मनकामना केवुलकार सञ्चालनमा आउने भएको हो । स्वास्थ्य सुरक्षा मापदण्ड अपनाएर केबुलकार सञ्चालन गर्न लागिएको दर्शन प्रालिले जनाएको छ ।
भक्तजनको भीडभाड हुने चाडपर्वमा एकै दिनमा नौ हजारभन्दा बढी यात्रुले केबुलकारको यात्रा गर्ने गरेको प्रालिले जनाएको छ । यात्रुले पनि सुरक्षा मापदण्डलाई पालना गरेर इच्छाकामना गाउँपालिकाको चेरेसमा स्टेशन रहेको यस केबुलकार चढेर यात्रु एवं भक्तजन गोर्खाको मनकामना मन्दिर दर्शन गर्न जानसक्ने प्रालिले जनाएको छ ।
