- १३ कार्तिक २०८३, शुक्रबार / Oct 30, 2026
काठमाडौं । देशका विभिन्न स्थानमा बाढी र पहिरोका कारण आधा दर्जन भन्दा बढि सडक अवरुद्ध भएका छन् । कोसी राजमार्गको हाइटार, संखुवासभामा सवारी आवगम अवरुद्ध छ भने पाँचथरको माझीटार–हेवाखोलामा गएको पहिरोले तमोर करिडोर सडक समेत अवरुद्ध भएको छ ।
पाँच वटा सडकखण्ड अवरुद्ध रहेको बुधबार विहान सडक विभागले जनाएको छ । एकतर्फी अवरुद्ध भएका सडकखण्ड तेह्र वटा रहेका छन् । मौसम पूर्वानुमान महाशाखाले आगामी शुक्रबारसम्मै वर्षा हुने क्रम जारी रहने जनाएको छ । आगामी तीन दिनको मौसमी प्रक्षेपण सार्वजनिक गर्दै महाशाखाले शुक्रबारसम्म नै देशभर हल्कादेखि भारी वर्षाको संभावना रहेको जनाएको छ ।
पाल्पाको तानसेनबाट गुल्मीको रिडी जाने सडक पनि अवरुद्ध छ । म्याग्दीको तातोपानीमा गएको पहिरोले म्याग्दी–जोमसोम सडक अवरुद्ध भएको छ भने यता तनहुँको डुम्रेबाट लमजुङको बेशीसहर हुदै मनाङको चामे जोड्ने सडक पनि अवरुद्ध भएको छ ।
