- १३ कार्तिक २०८३, शुक्रबार / Oct 30, 2026
काठमाडौं । आधा शताब्दी यताकै बंगलादेशमा लामो गर्मी भएको छ । तापक्रम बढ्ने र तातो हावासहितको गर्मी चढ्ने क्रम राजधानी ढाकालगायत बंगलादेशभर जारी छ । गर्मीका कारण जनजीवन चौपट भएको जनाएको छ ।
अन्तर्राष्ट्रिय सञ्चार माध्यमका अनुसार गर्मीका कारण एयर कन्डिसनर, कुलर र पंखाको माग बढे पनि उर्जा अभावका कारण त्यस्ता उपकरणको प्रयोग हुन सकेको छैन ।
कोइलाबाट संचालित उर्जा प्लान्टहरुले भार थेग्न नसक्दा लामो लोडसेडिङ हुने गरेको उल्लेख छ । देशभरका विद्यालयहरु बन्द गरिएका छन् ।
राजधानी ढाकाको तापक्रम ४२ डिग्री सेल्सियस माथि पुगेको छ । सन् १९७१ मा बंगलादेश बने यता यति लामो गर्मीको सामना गर्नु परेको पहिलो पटक भएको त्यहाँका मौसविद्हरुले बताएका छन् ।
