ट्रम्पविरुद्ध ७ आपराधिक मुद्दा दर्ता

एजेन्सी । अमेरिकी पूर्व राष्ट्रपति डोनाल्ड ट्रम्पविरूद्व ७ मुद्वा दर्ता भएको छ । अहिले फेरि गोप्य कागजातसँग सम्बन्धित मुद्दा चलाइने तयारी भएको छ । ह्वाइट हाउस छाडे पछि ट्रम्पले सयौं गोप्य दस्ताबेज आफूसँग राखेको आरोप छ ।

अनुसन्धान एजेन्सीहरूले ट्रम्प विरुद्ध सात केन्द्रीय आपराधिक मुद्दा दर्ता गरेको जनाएका छन् । ट्रम्पले ट्रुथ सोशल मिडिया प्लेटफर्मलाई भनेका छन् ‘मियामीको संघीय अदालतमा उपस्थित हुनको लागि भनिएको छ।’

मिडिया रिपोर्टका अनुसार ट्रम्पले ह्वाइट हाउस छोडेपछि नेशनल अर्काइभ्सले उनी र उनको टोलीले राष्ट्रपतिको रेकर्डसँग सम्बन्धित कागजातहरू फिर्ता गर्न माग गरेको थियो । केही महिनापछि करिब २०० वर्गीकृत कागजातहरू फिर्ता भएका थिए। आफूविरुद्ध नयाँ मुद्दा दर्ता भएपछि ट्रम्पले थप असन्तुष्टि व्यक्त गरेका छन् ।