- ३१ जेष्ठ २०८३, आईतवार / Jun 14, 2026
दाङ । नेकपा बहुमत पार्टीका केन्द्रीय अध्यक्ष धर्मेन्द्र वास्तोलासहित ३ जनालाई प्रहरीले छोडेको छ । बुटवल बम विस्फोटमा नेकपा बहुमत पार्टीको संलग्नताको आशंकामा सोधपुछका लागि प्रहरीले नियन्त्रणमा लिएको थियो ।
सोधपुछपश्चात् लिखित कागज गरेर छोडेको प्रहरी स्रोतले जानकारी दिएको छ । नेपालगन्ज जाने क्रममा दाङको भालुबाङ्गबाट प्रहरीले उनीहरुलाई नियन्त्रणमा लिएर सोधपुछ गरेको थियो। अहिले उनीहरू कोहलपुरका लागि अघि बढेको बुझिएको छ ।
नेत्र विक्रम चन्द विप्लवले निर्वाचन रोजेपछि वास्तोलाले अलग पार्टी घोषणा गरेर निर्वाचन बहिस्कार अभियानमा लागेको सार्वजनिक अभिव्यक्ति दिएका थिए ।
