इङल्याण्डले बनायो ५७८ रन, रुटको दोहोरो शतक

एजेन्सी । भारतविरुद्धको पहिलो टेस्टको पहिलो इनिंगमा इङल्याण्ड ५ सय ७८ रन बनाएर अल आउट भएको छ। इङल्याण्डका लागि कप्तान जो रुटले दोहोरो शतक प्रहार गरेका छन्। रुट २१८ रन बनाएर आउट भएका थिए। त्यस्तै इङल्याण्डका लागि डोम सिबलीले ८७ रन बनाए भने बेन स्टोक्सले ८२ रनको पालि खेलेका थिए ।

त्यस्तै ओली पोपले ३४, रोरी बर्न्सले ३३, जस बटलरले ३० रन बनाएका थिए। त्यसैगरी जोफ्रा आर्चर र डान लरेन्स शुन्यमा आउट भएका थिए। त्यस्तै डोम बेसले ३४ र ज्याक लीचले १४ रन बनाए।बलिङ तर्फ जसप्रित बुमराह र रविचन्द्रन आश्विनले ३–३ विकेट लिए भने इशान्त शर्मा र शहबाज नदीमले २–२ विकेट लिएका थिए। भारतले जवाफी व्याटिङ थालेको छ।