एक करोड रुपैयाँको गुलाब आयात

काठमाण्डौं । भ्यालेन्टाइन्स् डे का लागि झण्डै एक करोड रुपैयाँको गुलाब आयात भएको छ । गुलाबको फूल उपहार दिएर प्रणय दिवस मनाउने चलन भएकाले आज गुलाबको कारोबार अधिक हुने गरेको व्यापारिहरुले बताएका छन् ।

हरेक वर्ष गुलाबको माग बढ्दै गए पनि स्वदेशमा उत्पादन नबढ्दा गुलाबका लागि पनि भारतकै भर पर्नु परेको व्यवसायीको भनाइ छ । यो वर्ष ९० प्रतिशत गुलाब भारतबाट आयात भएको नेपाल फ्लोरिकल्चर एसोसिएशनका अध्यक्ष मिनबहादुर तामाङले बताए ।

कोरोना महामारीका कारण यसपालि पुष्प व्यवसायमा असर परेकाले आयात बढेको उनको तर्क छ । कोरोनाकै कारण पुष्प व्यवसायी घाटामा गएकाले थप लगानी हुन नसक्दा यसपालि गुलाबको आयात बढेको व्यवसायी बताउँछन् ।