- ९ आश्विन २०८३, शुक्रबार / Sep 25, 2026
काठमाडौं । राष्ट्रिय जनमोर्चाका सांसद दुर्गा पौडेलले संघीयता मुलुकका लागि आर्थिक बोझ भएको बताएकी छिन् । नेपालजस्तो विकासउन्मुुख देशमा संघीयताले आर्थिक बोझ बढाएकाले संघीयतालाई खारेज गर्नुपर्ने बताएकी हुन् ।
बुधबार प्रतिनिधि सभामा बजेटमाथिको छलफलमा भाग लिदै सांसद पौडेलले उक्त कुरा बताएकी हुन् । त्यस्तै सांसद पौडेलले विदेशी सहयोग र अनुदान देशको आर्थिक विकासका लागि स्वीकार गर्न सकिने तर त्यसो गर्दा देशको स्वतन्त्रता, स्वाधिनता, स्वभिमान र राष्ट्रिय अर्थतन्त्रलाई ख्याल गर्नुपर्ने उल्लेख गरिन् ।
त्यसैगरी सांसद पौडेलले एमसीसीबाट देशको राष्ट्रियता, असंलग्न परराष्ट्र नीति र बृहद राष्ट्रिय हितमा समेत गम्भीर आँच पुग्ने बताउँदै त्यसलाई खारेज गर्नुपर्नेमा जोड दिइन् । उनले भनिन, ‘अन्यथा दुरगामी र दुष्परिणाम हुनेछ ।’
