- २८ जेष्ठ २०८३, बिहीबार / Jun 11, 2026
काठमाडौँ । कक्षा १० को नतिजा प्रकाशनका लागि राष्ट्रिय परीक्षा बोर्डको बैठक बस्न लागेको छ । आज दिउँसो बोर्डको बैठक बोलाइएको बोर्डका अध्यक्ष डा महाश्रम शर्माले बताए । बोर्डको बैठकपछि आज नै नतिजा सार्वजनिक गरिनेछ ।
पुरानै ग्रेडिङ पद्धति अनुसार सार्वजनिक गरिने बताइएको छ । बोर्डले गत वर्ष अनुसार नै नतिजा सार्वजनिक गर्ने निर्णय गरेको छ । बोर्डले २०७८ सालमा ‘लेटर ग्रेडिङ निर्देशिका, २०७८’ जारी गरेको थियो ।
उक्त निर्देशिका जारी भएको केही महिनापछि पहिलो पटक संशोधन गर्दै सैद्धान्तिकतर्फ ३५ भन्दा कम अङ्क ल्याउने विद्यार्थीको नतिजा नन ग्रेडेड (एनजी) लेखिने र मूल प्रमाणपत्र नदिने व्यवस्था गरेको थियो ।
त्यो विद्यार्थीले कक्षा ११ मा पढ्न नपाउने व्यवस्था उक्त निर्देशिकामा छ । तर, बोर्डले अघिल्लो वर्ष र यो वर्ष पुरानै अक्षरांकन (ग्रेडिङ) विधिमार्फत नतिजा प्रकाशन गर्न लागेको हो । गत चैत १७ गतेदेखि २९ गतेसम्म सञ्चालन भएको परीक्षामा देशभरबाट चार ८५ लाख ३ सय ९६ विद्यार्थी सहभागी भएका थिए ।
