कश्मिरमा प्रहरीमाथि आतंकवादी हमला

एजेन्सी । कश्मिरको श्रीनगरमा प्रहरी सवार बसलाई लक्षित गरी आतंकवादी आक्रमण भएको छ । आफनो कार्यक्षेत्रबाट प्रहरी चौकी फर्किने क्रममा उनीहरुमाथि गोली प्रहार भएको हो । आक्रमणमा २ जना प्रहरीको घटना स्थलमा नै मृत्यु हुनुका साथै घटनामा १२ प्रहरी घाइते भएका छन् ।

श्रीनगरमा प्रहरीलाई हतियार सुबिधा नदिएका कारण उनीहरु जवाफी प्रहार गर्नबाट बन्चित रहेको जनाइएको छ । भारतीय प्रधानमन्त्री नरेन्द्र मोदीले घटनाप्रति दुख ब्यक्त गर्दै त्यस्तो घृणित कार्यमा संलग्न जो कोहीलाई कानुनी दायरामा ल्याउने बताएका छन् । मोटरसाइकलमा आएका आतंकबादीहरुले बसलाई चारैतिरबाट घेरा हाली अन्धाधुन्ध गोली प्रहार गरी फरार भएका छन् ।