- ३२ असार २०८३, बिहीबार / Jul 16, 2026
काठमाडौं । नेकपा प्रचण्ड–माधव पक्षले केपी ओली र विष्णु पौडेललाई साधारण सदस्य समेत नरहने गरी पार्टीबाट हटाएको छ ।
सोमबार बसेको चौथो केन्द्रीय समिति बैठकले यस्तो निर्णय गरेको हो । बैठकमा अध्यक्ष पुष्पकमल दाहाल प्रचण्डले ओलीलाई पार्टीको साधारण सदस्यसमेत नरहने गरी र पौडेललाई महासचिवबाट हटाउने प्रस्ताव पेश गरेका थिए । तर एक केन्द्रीय सदस्यका अनुसार महासचिव विष्णु पौडेललाई पनि बैठकले हटाएको दावी गरे भने अर्का एक केन्द्रीय सदस्यले महासचिव पदबाट मात्र हटाएको बताए ।
ओलीले पार्टीको नीतिविपरीत गतिविधि बढाउँदै गएको भन्दै माघ २ मा बसेको स्थायी कमिटी बैठकले उनलाई पार्टी सदस्यताबाट किन नहटाउने भनेर स्पष्टीकरण सोध्ने निर्णय गरेको थियो ।
