‘कौसिद’को शुभ मुहूर्त, माघ १ गते

काठमाडौँ । चलचित्र ‘कौसिद’को चावहिलस्थित गणेशस्थान मन्दिरमा मुहूर्त गरिएको छ । निर्देशक कुमार भास्कर, निर्माता केदार भुषालसहित ऋचा शर्माले पूजाआजा गरी फिल्मको शुभ मुहूर्त गरेका हुन ।

सोसल ड्रामा जनरामा बन्न लागेको चलचित्र ‘कौसिद’को केशव पाण्डेले मुहूर्त शटको क्ल्याप गरेका थिए । आगामी माघ १ गतेदेखि छायांकन थालिने निर्माण पक्षले जानकारी दिएको छ । भोलाराज सापकोटा र ऋचा शर्मा चलचित्रको मुख्य भूमिकामा रहने र अन्य कलाकारहरु अडिसनबाट छनोट गरिने बताइएको छ ।

जीवनयापनका सहज तरिकाले चलाउन के कस्ता व्याधा व्यवधानको सामना गर्नुपर्छ भन्ने विषयमा चलचित्र केन्द्रित हुने बड पिक्चर्सका संस्थापक तथा फिल्म ‘कौसिद’का कार्यकारी निर्माता दिमेश श्रेष्ठले जनाए ।