- ९ श्रावण २०८३, शनिबार / Jul 25, 2026
भक्तपुर । आफ्नो कार्यकारमा जिल्लाको खेलकुद विकासमा भक्तपुरलाई नमुना जिल्ला बनाउने जिल्ला खेलकुद विकास समितिका अध्यक्ष श्रीभक्त काशीछवाले बताएका छन् । खेलकुद विकास समिति भक्तपुरको भवन व्यवस्थापन गर्नेक्रममा उनले यस्तो बताएका हुन ।
चाँगुनारायण नगरपालिका र मध्यपुरठिमी नगरपालिकाका सबै वडामा ओपन जिम राख्ने भन्दै सामान ल्याउन पहल भैरहेको बताए । आफ्नो कार्यकाल भित्रै खेलकुदका सबै क्रियाकलापमा भक्तपुरलाई नेपालको पहिलो बनाउने उनको जिकिर छ ।
बाग्मती प्रदेश खेलकुद बिकास परिषद्ले जिल्ला खेलकुद बिकास समिति भक्तपुरको अध्यक्षमा श्रीभक्त काशीछवालाई नियुक्त गरेलगतै उनले भक्तपुरको खेलकुद प्रति चाँसो दिएका छन् । शैक्षिक, सास्कृतिक तथा खेलकुदकाे हब बनाउने भक्तपुरकाे सपना पुरा गर्न खेलकुदका क्षेत्रबाट महत्वपूर्ण भूमिका खेल्ने उनकाे भनाइ छ ।
