खोप प्रयोग नगरी कोरोना संक्रमण जितने विश्वभर ५ करोड ३२ लाख पुगे

काठमाडौं ।  काठमाडौँ– कोरोना भाइरसको संक्रमणबाट विश्वभर ५ करोड ३२ लाखभन्दा बढी व्यक्ति मुक्त भएका छन् । खोप नै प्रयोग नगरी संक्रमण मुक्त हुनेको संख्या पछिल्ला दिनमा बढ्दै गएको हो । पछिल्लो समय कोरोना भाइरसको संक्रमण फैलिएको एक वर्ष वित्दा कोभिड–१९ को खोप विकास भइसकेको छ ।

विश्वभर पछिल्लो २४ घण्टामा मात्रै ३ लाख ९८ हजारभन्दा बढी संक्रमणमुक्त भएका छन् । यो संख्यासँगै विश्वभर संक्रमणमुक्त हुनेको संख्या ५ करोड ३२ लाख नाघेको छ । यस्तै पछिल्लो २४ घण्टामा विश्वभर २ लाख ३ हजार बढीमा संक्रमण भएको छ । योसँगै विश्वभर संक्रमित संख्या ७ करोड ५९ लाख नाघेको छ । विश्वमा कोरोनाबाट ज्यान गुमाउनको संख्या १६ लाख ८० हजार नाघेको छ ।