- ३० जेष्ठ २०८३, शनिबार / Jun 13, 2026
दाङ । लमही–कोइलावास सडकखण्डमा मिचेर बनाइएका घर टहरा भत्काउन थालिएको छ । सडक मिचेर बनाईएका घर टहरा हटाउन सूचना जारी गर्दा पनि घरधनीहरुले अटेर गरेपछि भत्काउन थालिएको हो ।
हुलाकी राजमार्गअन्तर्गत सडक मिचेर बनाएका घर टहरा डोजर चलाएर गाउँपालिका आफैले भत्काएको हो । अहिले सडक विस्तारको काम अघि बढिसकेको भन्दै गढवा गाउँपालिकाका अध्यक्ष सहजराम यादवले राजमार्ग विस्तारमा सहज हुँदै गएको बताए ।
यसैबीच हुलाकी राजमार्गअन्तर्गत लमही नगरपालिका खण्डका घर टहरा पनि भत्काउने तयारी गरिएको छ । घरको अभिलेख लिने कार्य भइरहेको नगरपालिकाका प्रमुख कुलबहादुर केसीले बताए ।
लमही बजार हुँदै कोलहीको बगइसोतासम्म सडक मिचेर बनाएका घर भत्काउनका लागि अभिलेख तयार पार्ने काम भइरहेको उनले जानकारी दिए ।
