घुस नलिने २२ ट्राफिक प्रहरी सम्मानित

काठमाडौं । घुस नलिने २२ ट्राफिक प्रहरी सम्मानित भएका छन् । उनीहरूलाई महानगरीय ट्राफिक महाशाखाका प्रमुख एसएसपी जनक भट्टराईले सम्मान गरेका हुन् ।

बुधवार उनीहरूलाई महाशाखाले खादा, प्रमाणपत्र र रकम दिएर सम्मान गरेको हो । विभिन्न क्षेत्रमा ड्युटीमा खटिँदा उनीहरूलाई घुस दिन खोजिए पनि उनीहरूले लगेका थिएनन् ।

प्रहरी जवान राजेशबहादुर पाल, दुर्गाप्रसाद यादव, सूर्य पोखरेल, राजेशबहादुर पाल, अर्बिन्द कुमार गिरी, वासुदेव बलछौडी, अनिल महर, सुमन विक, भुवन भण्डारी, संविधान श्रेष्ठ, मीना कुमारी आचार्य, सन्तोष दाहाल, प्रकाश ढकाल, नन्द बहादुर रावल, समर्पण केसी, निरज थापा, रमेश लाल कर्ण, राकेश कुमार साह सम्मानित भएका हुन ।