रापाईँ गएका १४ जना चट्याङ लागेर घाइते

चितवन । प्राकृतिक प्रकोप बाजा बजाएर आउदैन यो जहाँ जतिवेला पनि भइदिन सक्छ । धान रोप्न गएका १४ जना रोपाहार चितवनको कालीका नगरपालिकामा चट्याङ लागेर घाइते भएका छन् । धान रोपाइँ गरिरहेको अवस्थामा पानी परेपछि उनीहरु स्थानीय जन्तरी प्रजाको घरमा ओत लाग्न जादा चट्याङ लागेर घाइते भएका हुन ।

घाइतेमध्ये पाँच जनाको भरतपुर अस्पतालमा उपचार भइरहेको छ भने नौ जना उपचारपछि घर फर्किएको चितवन प्रहरीले जनाएको छ । घाइते पाँच जनाको अवस्था खतरामुक्त रहेको जनाइएको छ । हुरी, बतास र पानीसँगै परेको चट्याङले रोपाहार घाइते भएका जिल्ला प्रहरी कार्यालयले जनाएको छ ।