- २१ आश्विन २०८३, बुधबार / Oct 7, 2026
२१ साउन २०७७ भक्तपुर । नेपाल विद्युत प्राधिकरण भक्तपुर वितरण केन्द्रले लकडाउन अवधिमा विद्युत चोरी गर्नेलाई कारबाही गरी एक करोड ४० लाख ८६ हजार दुई सय १४ रुपैयाँ असुल गरेको छ । वितरण केन्द्रले आ.व. २०७६/०७७ हालसम्मको अवधिमा ३ सय ७६ जनालाई कारबाही गरेको हो ।
विद्युत चुहावट नियन्त्रणलाई तीव्रगतिमा अघि बढाएको भन्दै गत आ.व.मा १३.०६ प्रतिशत चूहावट नियन्त्रण गर्दा ९.७५ प्रतिशत लक्ष्य राखेको थियो । यस आर्थिक वर्षमा लकडाउनको कठिन परिस्थिति हुँदा हुँदै पनि विद्युत चुहावटलाई ७.९७% मा राख्न सफल भएको केन्द्रका प्रमुख राजकुमार रमणले बताए ।
केन्द्रले आर्थिक वर्ष २०७५/०७६ मा १३.०६ प्रतिशत रहेको विद्युत चुहावट चालु आर्थिक वर्षमा ७.९७ प्रतिशतमा झारेर रेकर्ड राख्न सफल भएको हो । गत आर्थिक वर्षको लक्ष्य भन्दा ६ प्रतिशत बढी विद्युत चुहावट नियन्त्रण गर्नमा भक्तपुरवासी, केन्द्रका सम्पूर्ण कर्मचारी, वुद्धिजीवि, नागरिकसमाज, पत्रकारलगायत सबैको पहलमा सफल भएको केन्द्रका प्रमुख रमणले दावी गरे ।
आर्थिक वर्ष २०७५ ०७६ मा चुहावट १३.०६ % थियो’, उनले भने, त्यसैले आर्थिक वर्ष २०७६/०७७ मा लक्ष्य ७ प्रतिशतमा झार्न सफल भयौं । केन्द्रका प्रमुख राजकुमार रमणले भक्तपुरमा निरन्तर विद्युतको माग बढ्दासमेत चुहावट नियन्त्रणलाई निरन्तरता दिइएकाले चुहावट नियन्त्रण गर्न सफलता हासिल भएको बताए ।
याे अवधिमा गरिएका मुख्य कार्य :
कार्यक्षेत्र :
भक्तपुर, सूर्यबिनायक, चाँगुनारायण नगरपालिका, पनौती नगरपालिका तथा मण्डन देउपुर नगरपालिकाका केहि भाग कार्यक्षेत्र रहेको वितरण केन्द्रले १ हजार ७ सय ७९ थान सिङ्गल फेज, ९९ थान थ्रि फेज, २२ थान टिओडि नयाँ मिटर जडान गरेको जानकारी दिएको छ । त्यसैगरी ६ सय ४२ थान सिङ्गल फेज, ३९ थान थ्रि फेज र ७ थान टिओडि मिटर बदली गरेको छ ।
३३३.२१ कि.मि.लाईन बितरण भएकोमा १६१.०१ कि.मि. प्रशारण रहेको प्रमुख रमणले बताए । ने.बि.प्रामा २ सय ५९ वटा र २०३ वटा नीजि क्षेत्रलाई ट्रान्सफरमर बितरण गरिएको छ । साविक कटुन्जे र नगरकोट फिडरलाई यस आर्थिक वर्षमा सूर्यबिनायक फिडरमा थप गरिएको केन्द्रले जनाएको छ ।
