‘पहिरोले बनायो मानवविहीन गाउँ’

२२ साउन २०७७ म्याग्दी । धौलागिरि गाउँपालिका–६ कल्लेनी गाउँलाई पहिरोले मानवविहीन बनाएको छ । माख्लाको भिरबाट खसेको पहिरोका कारण कल्लेनीवासीले गाउँ छाडेका हुन् ।

असार २७ गते घर छोडेर शिवाङको हेम माविमा गएर बसेका उनीहरु अझै गाउँ फर्कन सकेका छैनन् । स्थानीय रत्नप्रसाद पुनका अनुसार वरिपरि पहिरोले घेरेर गाउँ नै उराठलाग्दो बनाएको छ । गाउँ नै अहिले मानवविहीन भएको उनको भनाई छ ।

२८ परिवारका ५० जनाभन्दा बढी एक महिनादेखि विद्यालय भवनमा बस्दै आएका छन् । पहिरोले गाउँ फर्कने अवस्था नभएपछि घरमा पालिएका बाख्रा, कुखुरा, गाई, भैँसी बेचेका छन् । पाकेको मकैबाली भित्र्याउन र बारीमा लगाएको कोदो गोड्न नपाएको स्थानीयले बताएका छन् ।RSS