- १६ असार २०८३, मंगलवार / Jun 30, 2026
काठमाडौं । न्युयोर्क सहरमा बसेर आफ्नो संगीत यात्रालाई अघि बढाइरहेकी गायिका उर्मिला लाम्गादे र लोकप्रिय गायक यम बरालको स्वरमा रहेको गीत ‘जवानी ताजा ताजा छ’को म्युजिक भिडियो सार्वजनिक भएको छ ।
आनन्द अधिकारीको शब्दरहेको यस गीतमा शिखर सन्तोषले संगीत भरेका हुन् । युवा युवती विचको प्रेम र आकर्षणलाई प्रस्तुत गरिएको म्युजिक भिडियोमा नायक नाजिर हुसेन र उषा उप्रेतीको अभिनय रहेको छ । रविन्द्र न्यौपानेले छायांकन गरेको यस भिडियोलाई दिपेन्द्र शाही ठकुरीले कोरियोग्राफ गरेका हुन् भने मोहित मुनालले संगीत संयोजन गरेका हुन् ।
ओएसआर डिजिटल मार्फत सार्वजनिक गरिएको यस भिडियोलाई सुदिप बरालको निर्देशन रहेको छ । १३ बर्षपछि गायन यात्रामा फर्किएकी लाम्गादेले यसअघि ‘दलन’ नामक टेलिचलचित्र र चेतनामुलक विज्ञापनहरुमा समेत अभिनय गरिसकेकी छन् । भर्खरै सार्वजनिक गरिएको यस गीतको भिडियोमा टेकेन्द्र शाहको सम्पादन रहेको छ ।
हेर्नुहोस भिडियो…
