- १० भाद्र २०८३, बुधबार / Aug 26, 2026
काठमाडौं । पर्यटन व्यवसायी तथा जे पाक्छ त्यहि बिक्छ अभियानका अभियान्ता राम सुन्दर बके जे.भी. फाउन्डेसन बागमती प्रदेशको प्रदेश प्रमुख पदमा नियुक्त भएका छन् । प्रदेश प्रमुखमा नियुक्त भएपछि उनलाई अहिले बधाई तथा शुभकामना दिनेको कमी छैन ।
सोही अवसरमा जे.भी. फाउन्डेसनका केन्द्रिय अध्यक्ष मा. रास्ट्रिय समाजसेवी प्रा.डा.जगदीश वैद्यले केन्द्रिय होटेल समितिका संरक्षक राम सुन्दर बाके, फाउन्डेसन केन्द्रिय फोटो पत्रकारसहित कार्तिक १७ गते लमजुङ र मनाङ जिल्ला भ्रमणको निम्तो दिएका छन् । मनाङ र लमजङुमा समाजसेवाकै क्रममा वृद्धवृद्धालाई न्यानो लुगा सहयोग गरिने जानकारी दिए । सोही क्रममा भव्य स्वागत गर्न लागेको बताए ।
को हुन त राम सुुन्दर बके ?
ऐतिहासिक तथा सुन्दर पर्यटकीय स्थल रानीकोटमा अवस्थित सुविधा सम्पन्न भिलेज हाईल्याण्ड रिसोर्ट सन्चालक तथा पर्यटन व्यवसायी एवंं जे पाक्छ त्यहि बिक्छ अभियानका अभियान्ता हुन् रामसुन्दर बके । समाज सेवामा समर्पित एक व्यक्ति जो आफुलाई समाज सेवामा नै समर्पित गर्न चाहन्छन् ।
सूर्यविनायक नगरपालिकाको सबैभन्दा उच्च स्थानमा रहेको पर्यटकीय स्थल रानीकोटमा सुविधासम्पन्न होटल भिलेज हाइल्याण्ड रिसोर्ट सञ्चालनमा ल्याएर आन्तरिक तथा विदेशी पर्यटकलाई सेवा दिइरहेका छन् । यति मात्र होइन, रानीकोटको विकासमा हदैसम्मको कार्य गर्ने अथियानमा समेत लागेका छन् ।
स्थानीय र केन्द्री सरकारसंग यसको थप विकासमा समेत सहकार्य गरेर जाने आँटमा लागेका बके पछिल्लो समय जे पाक्छ त्यहि बिक्छ अभियानका साथ सातै प्रदेशमा पर्यटन गतिविधिलाई अगाडि बढाइरहेका छन् । जे भी फाउन्डेसनले आफुलाई प्रदेश प्रमुख पदमा नियुक्त गरेकोमा बकेले फाउन्डेसनलाई धन्यवाद दिए ।
के छ त रिर्सोटको विशेषता
होटल परिसरबाटै १ सय ८० डिग्रीमा हिमालहरु देख्न सकिने भएकाले कोठा भित्रैबाट पर्यटक हिमालका दृश्य हेरेर रमाउछन् । मनास्लु, धौलागिरी, लाडटाङ, पुवरी, गौरीशंकर, दोर्जे लाक्पा, चुमालिग, सिसापाड लगायतका हिमाल अवलोकन गर्न पाउदा उनीहरु निकै प्रफुलित देखिन्छन् ।
काठमाडौं, ललितपुर र भक्तपुरको संगमका रुपमा रहेको रानीकोटमा पुरातात्विक महत्वका कारण पनि यहाँ पर्यटक आइरहने गर्दछन् । ललितपुरको लाँकुरीभञ्ज्याड, काभ्रेको पनौति, कुसादेवी र ललितपुरको फुलचोकीदेखि रानीकोट हाईकिङ रुट अर्को विशेषता हो । हाईकिङमा रमाउन चाहने पर्यटक तीन तीरबाट रानीकोट उक्लिने गर्दछन् ।
पछिल्लो समय ऐतिहासिक रानीकोट दरबार संरक्षणमा स्थानीयले चाँसो दिएपछि यहाँ आन्तरिक तथा बाह्य पर्यटको घुइचो नै लाग्न थालेको छ । यहाँ धार्मिक हिसाबले प्रख्यात बाघभैरव पनि भएकाले बाघभैरव मन्दिर परिसरमा सर्वसाधारण देखि विशिष्ट व्यक्तिहरुपनि धाउन थालेका छन् । मंसिर र बैशाख पूणिर्मामा मेला लाग्ने भएकाले सरसफाइमा समेत चाँसो दिएका छन् ।
घना जंगल भएका कारण जंगली जनावरसमेत अवलोकन गर्न पाइने भएकाले रानीकोट क्षेत्र विश्वमै दुर्लभ र नेपालमा मात्र पाइने काँडे भ्याकुर हेर्न पर्यटक रानीकोट उलिन्छन् । रानीकोट मल्लकालीन अवस्थामा रानीले आराम गर्ने दरबार बनाएको किम्वदन्ति छ । हाल त्यो दरबारको भग्नावशेषमात्र बाँकी रहेकाले त्यसको अवलोकनका लागि पर्यटक आउने गरेको स्थानीयले बताउछन् ।
