टोपबहादुर रायमाझीलाई अदालत लगिदै

काठमाडौं । पक्राउ परेका एमाले नेता टोपबहादुर रायमाझीलाई आज अदालतमा पेस गरिँदैछ । नक्कली भुटानी शरणार्थी प्रकरणमा आइतबार राति काठमाडौंको बुढानीलकण्ठबाट पक्राउ परेका उनलाई अनुसन्धानका लागि म्याद थप गर्न काठमाडौं जिल्ला अदालतमा पेस गर्ने प्रहरी स्रोतले बतायो ।

रायमाझी र उनका छोरा सन्दीपविरुद्ध वैशाख २० गते पक्राउ पुर्जी जारी भएको थियो । त्यसयता टोपबहादुर फरार भएका थिए भने छोरा सन्दीप पक्राउ परिसकेका छन् । ठगी गर्ने गिरोहलाई सहज हुने गरी नीतिगत निर्णय गराउन भूमिका खेलेको आरोप छ ।

उनको सहयोगमा नेपाली नागरिकलाई नक्कली शरणार्थी बनाउने गिरोहले गृहमन्त्रालयसम्म पनि बलियो पहुँच बनाएको प्रहरी अधिकृतहरु बताउँछन् । पूर्वगृहमन्त्री बालकृष्ण खाँणलगायत उच्चपदस्थ व्यक्तिहरू यस प्रकरणमा पक्राउ परेका छन् । उनीहरू माथि म्याद थप गराइ प्रहरीले अनुसन्धान थालेको छ ।