ठोस कदम चालौं: मोदी

काठमाडौँ । भारतीय प्रधानमन्त्री नरेन्द्र मोदीले यो दशकलाई जलवायु परिवर्तन न्यूनीकरण उन्मुख दशकका रुपमा अघि बढाउन सबैलाई आह्वान गरेका छन् ।

भर्चुअल रुपमा बिहीबार भएको जलवायु शिखर सम्मेलनलाई सम्बोधनका क्रममा प्रधानमन्त्री मोदीले जलवायु परिवर्तनको चुनौतीलाई सामना गर्न सिंगो मानव समुदायले ठोस कदम चाल्नुपर्ने आवश्यकता औंल्याएका हुन् ।

भारतले त्यसतर्फ काम गरिरहेको र सन् २०३० सम्ममा ४५० गीगावाट नवीकरणीय उर्जा उत्पादन गर्ने लक्ष्य लिएको मोदीले जानकारी गराए । साथै उनले सफा उर्जा, उर्जा क्षमता, वृक्षारोपण र जैविक विविधताको क्षेत्रमा भारतले साहसिक कदम चालेको बताए ।