- २ कार्तिक २०८३, सोमबार / Oct 19, 2026
काठमाडौं । डढेलो फैलिएको क्यानडाको ब्रिटिश कोलम्बियामा आपत्कालको घोषणा गरिएको छ । तीव्र गतिमा फैलिएको आगोले वेस्ट केलोना सहर वरपरका क्षेत्रमा थप घरहरूमा क्षति गर्न सक्ने जोखिम छ ।
क्यानडाको पश्चिमी क्षेत्र डढेलोको उच्च चपेटामा परेपछि त्यहाँको ब्रिटिश कोलम्बिया प्रान्तमा आपत्कालीन अवस्थाको घोषणा गरिएको छ । यलोनाइफलाई खाली गर्न दिइएको समयसीमा आधिकारिक रुपमा सकिएको बीबीसीले जनाएको छ । क्यानडा यसवर्ष डढेलोको सबैभन्दा खराब अवस्थामा छ ।
विज्ञहरूले तापमान र सुक्खालाई यसको मुख्य कारक मानेका छन् । प्रान्तीय प्रमुख डेभिड एबीले परिस्थिति खराब बनेको र अत्यन्तै चुनौतीपूर्ण स्थितिमा रहेको बताएका छन् । तीव्र गतिमा फैलिएको डढेलोले ६८ हजार हेक्टर जमिनमा क्षति गरेको छ । झण्डै ५ हजार मानिसलाई सुरक्षित ठाउँमा सार्न भनिएको छ ।
