- १० भाद्र २०८३, बुधबार / Aug 26, 2026
भक्तपुर । वागीश्वरी कलेजको आयोजनामा ३ दिने कार्यशाला सुरु भएको छ । डाटा एनालाइसिस युजिङ आर स्क्रिप्ट कार्यगोष्ठीमा विभिन्न कलेजबाट सहभागीता रहेका ३३ जनाले भाग लिएका छन् । कार्यक्रममा माक्र्सको जन्मदिनको प्रसङ्ग जोड्दै बागमती प्रदेश सभा सदस्य सुरेन्द्र राज गोसाईले संसारलाई परिभाषित गर्ने मात्र नभई संसारलाई बदल्ने माक्र्सको विचारलाई विद्यार्थीहरुमा पनि जगाउनुपर्ने बताए ।
कार्यक्रममा भक्तपुर नगरपालिका वडा नं. ९ का वडाध्यक्ष एवं वागीश्वरी मावि व्यवस्थापन समितिका अध्यक्ष रवीन्द्र ज्याख्वले अनुुसन्धानमूलक कार्यगोष्ठी तथा तालिमहरु आजको समयमा आवश्यक रहेको र यसले भावी योजनालाई मार्गनिर्देशन गर्न सजिलो हुने तर्क गरे ।
वागीश्वरी आरएमसीका संयोजक प्रा.डा.सिद्धिवीर कर्माचार्यको सभापतित्वमा भएको कार्यक्रममा वागीश्वरी कलेजका प्राचार्य धनकुमार श्रेष्ठ, आरएमसीका सल्लाहकार डा.बलराम दुवाल, उपप्राध्यापक विकल प्रजापति र विनोद प्रजापतिले पनि आफ्नो धारणा राखेका थिए ।
उक्त कार्यशालामा सहप्राध्यापक डा. विजयलाल प्रधान र नवराज पौड्यालले प्रशिक्षण दिनुभएका हुन । बागमती प्रदेश सभाका सांसद सुरेन्द्रराज गोसाईले कार्यशाला गोष्ठीको सुरुवात गरेका थिए भने कार्यशाला विश्वविद्यालय अनुदान आयोगको सहयोगमा भएको हो ।
