- १७ श्रावण २०८३, आईतवार / Aug 2, 2026
डोटी । कोरोना संक्रमितको संख्या बढ्न थालेपछि डोटीको स्थानीय प्रशासनले निषेधाज्ञा लागू गर्ने निर्णय गरेको छ ।
जिल्ला प्रशासन कार्यालय डोटीको जिल्ला संकट व्यवस्थापन केन्द्रको बैैठकले आइतवार राति १२ बजेदेखि लागू हुने गरी एक हप्ताका लागि निषेधाज्ञा जारी गर्ने निर्णय गरेको हो ।
निषेधाज्ञाको पहिलो चरणमा भदौ २१ गते आइतवार रातिसम्म सात दिनका लागि निषेधाज्ञा लागू हुने निर्णय भएको जिल्ला प्रशासन कार्यालयले जानकारी दिएको छ ।
जिल्ला स्वास्थ्य कार्यालय डोटीका अनुसार जिल्लामा एक हप्तामा कोरोना संक्रमितको संख्या बढेर ९०० पुगेको छ ।
जिल्लामा दिनहुँ कोरोना संक्रमितको संख्या बढ्न थालेपछि त्यसको रोकथाम तथा नियन्त्रणका लागि एक हप्ता निषेधाज्ञा जारी गर्ने निर्णय गरेको प्रमुख जिल्ला अधिकारी भीमप्रसाद भट्टराईले बताए । रासस
