- २९ भाद्र २०८३, सोमबार / Sep 14, 2026
सिमकोट । नेपाल चीन १२ नम्बर सीमा स्तम्भभन्दा २५ किलोमिटर टाढा नेपालको टाक्ची भ्यालीमा बिओपी पोष्ट थप्न लागिएको छ। जडीबुटी तथा वन्यजन्तुका अङ्गको अवैध ओसारपसार हुन थालेको भन्दै त्यसलाई रोक्न बिओपी राखिन लागेको हो ।
हुम्लाको उत्तरी नाम्खा गाउँपालिकाको लिमीमा सशस्त्र प्रहरी पोष्ट स्थापना गर्ने तयारी अन्तिम चरणमा पुगेको प्रशासनले जनाएको छ। नाम्खा ६ मा पर्ने लाप्चास्थित नेपाल(चीन १२ नम्बर सीमा स्तम्भभन्दा २५ किलोमिटर टाढा नेपालको टाक्ची भ्यालीमा सशस्त्रको पोष्ट स्थापनाका हुन लागेको हो ।
हिल्सामा ६ असारमा बिओपी स्थापना भइसकेको छ भने हाल हिल्सामा प्रहरी निरीक्षक सुरज केसीको नेतृत्वमा २२ सशस्त्र सुरक्षाकर्मीको समूह सीमा क्षेत्रमा तैनाथ गरिएको छ।
