- १६ असार २०८३, मंगलवार / Jun 30, 2026
सिन्धुपाल्चोक । प्रकोपले बन्द भएको तातोपानी नाका सोमबारबाट खुलेको छ । सिन्धुपाल्चोक र चीनको तिब्बत न्यालामका अधिकारीबीच भएको सहमती अनुसार नाका पुनः खुलेको हो ।
चीनको स्वाशासित क्षेत्र खाशाबाट छ वटा चिनियाँ मालबाहक कन्टेनरले कपडा र कच्चा पदार्थ मितेरी पुल नजिकै रहेको चाइनातर्फको यार्डमा ल्याई दिएको तातोपानी सुख्खा बन्दरगाह भन्सार कार्यालयका प्रमुख लालाबहादुर खत्रीले कैलाश खबरलाइ बताए । १२ कन्टेनर सामान आज नेपाल भित्रिएको उनको भनाइ छ ।
नेपाल भित्रिएका उक्त सामानलाई मेडिकल प्रोटोकल पूराएर जाँचपास गरि केही दिन भित्र राजधानी पठाइने भन्सार कार्यालय प्रमुख लालबहादुर खत्रीले बताए । आज बेलुकी खासाबाट फेरि छ कन्टेनर सामानसहित मितेरी पुल आइपुग्ने उनको भनाइ छ । नाका २०७२ बैशाख १२ गतेको भूकम्पबाट पूर्णरुपमा बन्द भएको थियो भने नाका २०७६ जेठ १५ गते सूचारु भएको थियो । असारमा बाढीपहिरोका कारण असार २५ गतेबाट बन्द रहेको सो आजबाट पुन सुचारू भएको छ ।
