तीन लाखको चिनियाँ मदिरा बरामद

१६ साउन २०७७ हुम्ला । डाँडाफयाबाट सिमकोट बजारतिर ल्याउँदै गरेको अवस्थामा तीन लाख मुल्य बराबरको ३८ कार्टुन अवैध चिनिया मदिरा प्रहरीले बरामद गरेको छ ।

कोरोनाका कारण उत्तरी नाका बन्द भए पनि सीमा वारपार र अवैध कारोवार गर्नेहरुका लागि फाईदा भएको स्थानीयले जिकिर गरेका छन् । फोनमार्फत मोलमोलाई गरेर सामान ओसारपसार रात्रीको समय पारेर गर्ने गरेको भेटिएको छ ।

त्यसै गरेर अवैध चिनियाँ मदिरा ३८ कार्टुन सिमकोट लाग्ना क्षेत्रबाट बरामद गरेको जिल्ला प्रहरी कार्यालयले जनाएको छ ।