थप २२४ जनामा कोरोना संक्रमण, नेपालमा संक्रमितको संख्या १९,७७१ पुग्दा ५६ जनाको मृत्यु (भिडियो)

१६ साउन २०७७ काठमाडौं । नेपालमा थप २२४ जनामा कोरोना भाइरसको संक्रमण देखिएको छ। २४ घन्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको हो ।

आज थपिएका सहित नेपालमा संक्रमितको संख्या १९ हजार ५ सय ४७ जना पुगेको स्वास्थ्य मन्त्रालयले जनाएको छ ।आज थप १५१ जना कोरोना संक्रमणमुक्त भएका छन् भने हालसम्म १४ हजार ३ सय ९९ जना उपचारपछि निको भएका छन् । पछिल्लो २४ घन्टामा ४ जना संक्रमितको मृत्यु भएसंगै नेपालमा हालसम्म ५६ जना संक्रमितको मृत्यु भएको छ।
भिडियो हेर्न यहाँ थिच्नुहोस्…

https://www.facebook.com/Kailashkhabarnews/videos/3452377548128775/

आज १५१ जना संक्रमणमुक्त
थप १ सय ५१ जना कोरोना संक्रमणमुक्त भएका छन् । देशका विभिन्न अस्पतालबाट उनीहरू निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताए । शुक्रबार डिस्चार्ज भएकासहित नेपालमा हालसम्म १४ हजार ३ सय ९९ उपचारपछि निको भएका छन् । भोजपुर, संखुवासभा, रसुवा, काभ्रे, मनाङ र मुस्ताङ गरि ६ जिल्लामा संक्रमित शून्य भएका छन् । हाल १२ हजार १ सय ११ जना क्वारेन्टाइनमा छन् ।

हालसम्म डिस्चार्ज हुनेको विवरण
प्रदेश १–८३१
प्रदेश २ –३१०१
बागमती प्रदेश – ५२६
गण्डकी प्रदेश – १२४४
प्रदेश ५– ३९७१
कर्णाली प्रदेशमा –१७१८
सुदूरपश्चिम प्रदेश – ३००८

उपत्यकामा ३८ संक्रमित थपिए
काठमाडौं उपत्यकामा थप ३८ जनामा कोरोना भाइरसको संक्रमण देखिएको छ। शुक्रबार काठमाडौंमा ३२, ललितपुर ५ र भक्तपुर १ जनालाई कोरोना संक्रमण देखिएको छ।थपिएकासहित काठमाडौंमा कोरोना संक्रमित हुनेको संख्या ४२३, ललितपुरमा ९७ र भक्तपुरमा ५७ पुगेकोछ । उपत्यकामा कहाँ कहाँ संक्रमित फेला परे भन्ने विषयमा स्वास्थ्य मन्त्रालयले जानकारी दिएको छैन।

लकडाउन खुलेयता १४ जना संक्रमितको मृत्यु
नेपालमा पछिल्लो केही दिनयता कोरोना संक्रमितको मृत्यु बढ्दो क्रममा छ । शुक्रबार मात्रै ४ जना संक्रमितको मृत्यु भएको छ । शुक्रबार दिउसो २ बजेसम्मको तथ्यांक अनुसार नेपालमा कोरोना संक्रमण भएका ५६ जनाको मृत्यु भएको छ । लकडाउन खुलेयताका ९ दिनको अवधिमा मात्र नेपालमा १४ जना कोरोना संक्रमितको मृत्यु भइसकेको छ ।