दक्षिण कोरियामा जन्मदर निरन्तर घट्दोक्रममा

काठमाण्डौ । दक्षिण कोरियामा जन्मदर निरन्तर घट्दोक्रममा रेहेको अधिकारीहरुले बताएका छन् । कोरियाली तथ्याङ्क अधिकारीहरुका अनुसार अक्टोबर महिनामा नवजात शिशुको सङ्ख्या २० हजार ७ सय ३६ रहेको र यो तथ्याङ्क एक वर्ष पहिलेको भन्दा ५ दशमलव २ प्रतिशतले कमी भएको बताइएको छ ।

यस वर्षको पहिलो १० महिनामा नवजात शिशुहरूको सङ्ख्या दुई लाख २४ हजार २ सय १६ रहेको बताइएको हो। यो सङ्ख्या गएको वर्षभन्दा ३ दशमलव ६ प्रतिशतले कमी हो। विवाहमा ढिलाइले बच्चा जन्माउने उमेर पुगेका महिलाहरूको सङ्ख्या कम हुँदै गएको यहाँका अधिकारीहरुले बताएका छन् ।

चिनियाँ समाचार संन्हाले पछिल्लो सार्वजनिक तथ्याङ्क अनुसार जन्मदरमा आएको निरन्तरको कमीले दक्षिण कोरियामा जनसाङ्ख्यिक सङ्कट निम्तिने चिन्ता समेत बढेको जनाएको छ।