- ११ भाद्र २०८३, बिहीबार / Aug 27, 2026
काठमाडौं । संसदीय समितिहरू निष्प्रभावी बन्दै गएका छन् । सरकारको काम कारबाहीप्रति निगरानी गर्ने, निर्देशन दिने तथा सरकारलाई पारदर्शी र जवाफदेही बनाउने समितिहरु निष्प्रभावी बन्दा जनताका मुद्दाहरु ओझलमा परेका छन् । संसदीय समितिलाई सक्रिय बनाएर सरकारका अंगहरूलाई सुशासित बनाउनुपर्ने पार्टीभित्र र बाहिरसमेत पटकपटक आवाज उठे पनि शीर्ष नेताहरूले समितिको नेतृत्व चयन गर्न आलटाल गरेका छन् ।
राजधीतिक दलहरु आफ्नो दुनो सोझो बनाउन संसदीय समिति बनाउन नमानेका हुन । प्रतिनिधिसभाअन्तर्गतका १० वटा विषयगत समितिहरू यतिबेला ‘कामचलाउ सभापति’ ज्येष्ठ सदस्यको नेतृत्वमा रहेका छन् ।
समितिमा सभापति चयनको प्रक्रिया अघि बढाउँदै गर्दा एमालेले संसद् अवरुद्ध गरेका कारण पूर्णता दिन नसकिएको सत्तापक्षले जिकिर गरिरहेको छ । खासमा राजनीतिक दहरुकाबीच भागवण्डा नमिलेका कारण समिति निष्प्रभावी बन्दै गएका हुन ।
