- ३० जेष्ठ २०८३, शनिबार / Jun 13, 2026
काठमाडौं । नेपालीहरुको ठूलो पर्व दशैं सुरु भइसकेको छ । आइतबारदेखी दशैं सबैको घरमा आइ सकेको छ । दशैमा देवी दुर्गालाई बली चढाउने गर्छन्, त्यसैले अरु समय नभए पनि दशैंमा मासु खाने गर्दछन् ।
दशैंका लागि खसी, बोका, च्याङ्ग्रा आदि खरिद हुन थालेको छ । त्यही कारण दशैंमा खसीबोकाको ठूलो कारोबार हुने गर्दछ । हुनेखानेहरुले मात्रै नभएर हुँदा खानेहरुले पनि जोहो गरेर दशैंमा खसीबोकाको खरिद गर्ने गरेका छन् ।
व्यापारीहरुले काठमाडौं उपत्यकामा खसीबोका र च्याङ्ग्रा बिक्रीका लागि ल्याउन थालेका छन् । सोमबार भक्तपुरको सल्लाघारीमा व्यापारीहरुको दुई समूहले च्याङ्ग्रा ल्याएको हो ।
यी च्याङ्ग्रा चीनको तिब्बत र मनाङबाट ल्याइएको हो । च्याङ्ग्रालाई व्यापारीले जिउँदोमा नै १३५० रुपैयाँमा बिक्री गर्ने बताएका छन् ।
हिमाली क्षेत्रमा पालिने च्याङ्ग्राको मासु खसीबोकाको भन्दा मिठो र पोषिलो हुने विश्वास छ । कलंकी, बल्खु,नयाँबसपार्क लगायत उपत्यका छिर्ने मुख्य नाकाहरुमा अहिले खसी, बोका, भेडा र च्याङ्ग्रा भित्रीन थालेका छन् ।
