दुर्गमका विद्यालयमा प्रविधि

हुम्ला । हुम्लाका विद्यालयहरु प्रविधिमैत्री बन्दै छन् । एक साथ तीन वटा माध्यामिक विद्यालयमा विधुतीय पुस्तकालय स्थापना गरिएसँगै शिक्षक, विधार्थीलाई प्रविधिसँग घुलमिल हुन सहज भएको छ ।

विद्यालयलाई कागज लेस बनाउन र विधार्थीलाई अतिरिक्त ज्ञान हाँसिल गर्नका लागि यो पुस्तकालय स्थापना गरिएको हो । विद्यालयमा पहिलो पटक ई पुस्तकालय स्थापना भएर प्रयोगमा आएको खार्पुनाथ गाउँपालिकाको मान्धारा माविका प्रधानाध्यपक दिलबहादुर शाहीले बताए ।

अब विद्यालय कागजविहीन भएको छ । पुस्तकालयमा तीन लाख पुस्तक र दुई लाख भिडियोको साथै तीस हजार भन्दाबढी सङ्ख्यामा अडियो समेत हेर्न सकिने छ । जुन नेपाल सरकारले तयार पारेका पाठ्यक्रममा आधारित रहेको कारण निक्कै उपयोगी हुने छ ।

कम्प्युटर वा मोवाइलबाट सहजै विद्यलायका सवै जानकारी र विषयवस्तुको जानकारी लिन सकिनेछ । पुस्तकालयको स्थापना भएसँगै विद्यालयका सम्पुर्ण गतिविधिहरू अनलाइन र अफ लाइनमार्फत् भर्चुअल कक्षाहरू सञ्चालन गर्न सकिने भएको छ ।