दैलेखमा थप १४ जनामा कोरोना पुष्टि

१७ जेठ  २०७७, सुर्खेत । कर्णाली प्रदेशमा थप १४ जना कोरोना संक्रमण पुष्टि भएको छ । कर्णाली स्वास्थ्य विज्ञान प्रतिष्ठान जुम्लाको प्रयोगशालामा भएको परीक्षणबाट दैलेखका १४ जनामा कोरोना संक्रमित पुष्टि भएको हो ।

थपिएका संक्रमित दैलेखको नारायण नगरपालिका वडा नं‍ २ का एकजना, ३ का एक जना, ४ का तीन जना, ६ का एक जना, ८ का दुई जना, ९ का दुई जना, १० का दुई जना र ११ का दुई जना रहेका छन् ।

उनीहरु क्रमशः २८, ४१, ३०, १७, २२, २५, २१, २०, २७, १८, २०, ३५, ५०, २३ उमेर समूहका रहेका छन् । संक्रमित सबै केही दिनअघि भारतबाट गाउँ फर्किएका थिए । योसँगै दैलेखमा संक्रमित हुनेको सख्या ३० जना पुगेको छ ।  थप यी १४ जना गरी कर्णाली प्रदेशमा संक्रमितकाे संख्या ६० पुगेको छ ।