- ५ आश्विन २०८३, सोमबार / Sep 21, 2026
काठमाडौँ । रुस–युक्रेनबीच युद्ध चलिरहेको एक साता भन्दा बढी भएको छ । उक्त द्वन्द्वको चपेटामा रहेका प्रभावित अधिकांश नेपाली सुरक्षित स्थानमा पुगेको नेपाली राजदुतावास जर्मनले जनाएको छ ।
पछिल्लो तथ्याकंअनुसार युक्रेनबाट नेपालीहरु सुरक्षित स्थानको खोजी गर्दै पोल्याण्ड, स्लोभाकिया, हंगेरी, रोमानिया र माल्दावालगायतको देशमा पुगेको जर्मनीका लागि नेपाली राजदुत रामकाजी खड्काले जानकारी दिए ।
हालसम्म युक्रेनबाट ७१ जना स्लोभाकिया, ४ सय ३ जना पोल्याण्ड, २७ जना रोमानिया, ६ जना हंगेरी, र ४ माल्दावा पुगेको उद्दार समितिले जनाएको छ ।
समितिकाअनुसार ५ सय ११ जना नेपालीहरु सुरक्षित गन्तन्यमा पुगेका छन् भने ती मध्ये ४ जनाको मानसिक स्वास्थ्यमा समस्या देखिएको बताइएको छ ।
जर्मनस्थित नेपाली दूतावासले युक्रेनबाट निस्केका मध्ये ४० जना नेपालीले यात्रा अनुमति पत्र (ट्राभल्स डकुमेन्ट) लिएको जनाएको छ ।
