धनुषामा गोली चल्यो

काठमाडौं । एक युवकमाथि धनुषामा गोली प्रहार भएको छ। जनकपुरधाम उपमहानगरपालिका–१९ मा १८ वर्षीय मुकेश मुखिया शनिबार राति गोली प्रहार हुँदा घाइते भएको धनुषाका प्रहरीले जनाएको छ । मुखियाको चिउँडोमा लागेको गोली घाँटीमा गएर अड्किएको छ भने उनलाई उपचारका लागि काठमाडौं ल्याइएको जनाइएको छ ।

गोली कसले प्रहार गरेको भन्ने नखुलेको र अनुसन्धान भइरहेको धनुषा प्रहरीले जनाएको छ । प्रहरीले घटनास्थलबाट पेस्तोल समेत बरामद गरेको छ । किराना पसलमा बसेर ६÷७ जनाको समूह कुराकानी गरिरहँदा एक्कासि मुखियामाथि गोली प्रहार भएको प्रहरीले जनाएको छ ।