नेकपामा आशंका

काठमाडौं । भाजपाका नेता विजय चौथाइवालेको नेपाल भ्रमणले नेकपाको नेतृत्वमा आशंका उत्पन्न भएका छन् ।नेपाल मामिलामा भाजपाको चासो बढ्नुले आशंका उत्पन्न गरेको हो ।

नेकपाका महासचिव विष्णु पौडेलको निमन्त्रणमा नेपाल आएका थिए । चौथाइवालेले ओली निकट नेताहरु, कांग्रेसका सभापति शेरबहादुर देउवा र जसपाका नेता महन्थ ठाकुर र राजेन्द्र महतोलाई भेटेका थिए । भारतका तर्फबाट लगातार नेपालको भ्रमण पनि भइरहेका छन् ।

प्रधानमन्त्री केपी ओलीकै निमन्त्रणामा भारतीय खुफिया एजेन्सीका प्रमुख सामन्त कुमार गोयल, भारतीय सेनापति मनोज मुकुन्द, भारतीय विदेश सचिव हर्षबर्द्धन श्रृंगलाले नेपालको भ्रमण गरे ।

चौथाइवाले भारतीय प्रधानमन्त्री नरेन्द्र मोदी निकट मानिन्छन् । मोदीको हरेक विदेश भ्रमण अगाडि उनी तयारीका लागि भ्रमणमा जाने गर्दछन् ।