भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

नेपालगञ्जमा थप दुइ जनामा कोरोना भेटिएसंगै संक्रमितको संख्या ५९ पुग्यो (भिडियो)

नेपालगञ्जमा थप दुइ जनामा कोरोना भेटिएसंगै संक्रमितको संख्या ५९ पुग्यो (भिडियो)

१९ बैशाख २०७७ काठमाडौं । नेपालगंजमा कोरोना भाइरसका थप दुई संक्रमित भेटिएसंगै संक्रमितको संख्या ५९ पुगेको छ ।

भेरी प्रादेशिक अस्पतालमा उपचाररत दुईजनामा कोरोना पुष्टि भएको स्वास्थ्य तथा जनसंख्या मन्त्रालय स्रोतले जनाएको हो । दुईमध्ये एकजना विदेशबाट आएको जानकारी प्राप्त भएको छ। अर्का बिरामी रुपन्देहीका बासिन्दा हुन् ।

रुपन्देहीको भएपनि उनलाई नेपालगञ्‍जकै आइसोलेसनमा राखेर उपचार भइरहेको थियो। यसबारे मन्त्रालयले केही समयमा आधिकारिक जानकारी दिने जनाएको छ । संक्रमित ५९ जना मध्ये १६ जना उपचारपछि निको भएर घर फर्किएका छन् ।

https://www.facebook.com/Kailashkhabarnews/videos/244075036681645/

बाँकी ४३ संक्रमित भने विभिन्‍न अस्पतालमा उपचार गराईरहेका छन् । उनीहरु सबैको स्वास्थ्य अवस्था सामान्य रहेको चिकित्सके बताएका छन् । मन्त्रालयको पछिल्लो तथ्याङक अनुसार परीक्षण संख्या ५८ हजार ८ सय ७१ पुगेको छ ।

१२ हजार ११ जनाको पिसिआर र ४६ हजार ८ सय ६० जनाको आरडिटीबाट परीक्षण गरिएको हो। प्रदेश १ मा ४ हजार ९ सय ८५, प्रदेश २ मा ५ हजार ४ सय ५६, बागमतीमा ८ हजार ३ सय ६१, गण्डकीमा ५ हजार ४ सय ११, प्रदेश ५ मा ३ हजार ७ सय ९९ जना छन् ।

कर्णालीमा ५ हजार ४ सय ३६ र सुदूरपश्चिम प्रदेशमा १३ हजार ४ सय ११ जनाको आरडिटीबाट परीक्षण भएको हो। काठमाडौं उपत्यकामा ३ र बाहिर ७७ गरी कूल ८० जना शंकास्पद बिरामी आइसोलेसनमा छन्। पाटन अस्पतालमा मात्र ३ जना शंकास्पद आइसोलेसनमा रहेको मन्त्रालयले जनाएको छ। मुलुकभर २३ हजार ३ सय ३६ जना क्वारेन्टाइनमा बसेका छन्।

 


Thali Mobile Pvt.Ltd.