- २१ श्रावण २०८३, बिहीबार / Aug 6, 2026
१९ बैशाख २०७७ सिरहा । विश्वव्यापी महामारीका रुपमा फैलिएको कोरोना भाइरसको सङ्क्रमण नेपालमा बढ्दै गएपछि सेनाले सङ्क्रमितको शव व्यवस्थापनसम्बन्धी पूर्वाभ्यास गरेको छ ।
कोरोना सङ्क्रमित मृतकको भयावह स्थिति सिर्जना भएमा मृत शरीरको व्यवस्थापन कसरी गर्ने ? यतापट्टी ध्यान दिदै नेपाली सेनाले शव व्यवस्थापन पूर्वाभ्यास गरेको हो ।
सेनाको मध्य पूर्वी पृतना हेडक्वार्टर अन्तर्गत सिरहाको चोहर्वामा रहेको शेर गण ब्यारेक हाताभित्र कोरोना भाइरस सङ्क्रमित मृत शरीर व्यवस्थापनको पूर्वाभ्यास गरेको सेनाले जनाएको छ ।
कोरोना सङ्क्रमित मृत शरीरको व्यवस्थापन गर्ने तरिका र एम्बुलेन्स तथा सवारी साधनलाई कसरी प्रयोग गर्ने भन्ने विषयमा केन्द्रित रहेको सिरहाका प्रमुख जिल्ला अधिकारी सरोजकुमार गुरागाँईले बताए ।
कोरोना भाइरसको सङ्क्रमण फैलिन नदिन सरकारले गरेको लकडाउन सिरहामा उल्लङ्घनका घटना बढ्न थालेपछि त्यहाँ नेपाली सेना परिचालन गरिएको छ ।
