नेपालमा बन्यो कोरोना बिरामीलाई सुरक्षित अस्पताल पुर्‍याउने बाकस

काठमाडौं । कोरोना भाइरसको रोकथाम तथा नियन्त्रणका लागि विभिन्न महत्वपूर्ण काम गर्दै आएको राष्ट्रिय आविष्कार केन्द्रले कोरोना बिरामीलाई सुरक्षित अस्पताल पुर्‍याउने बाकस निर्माण गरेको छ ।

माक्स, पीपीइ, स्वाब संकलन गर्ने सुइरो लगायतका सामग्री निर्माण गरेको यस केन्द्रले अहिले पुनः कोरोना संक्रमित बिरामीलाई सुरक्षित अस्पतालसम्म लैजाने बाकस निर्माण गरेको हो । बिरामीसँगै एम्बुलेन्समा रहने स्वास्थ्यकर्मी र चालकलाई संभावित कोरोना संक्रमणबाट जोगाउन यस्तो बाकस डिजाइन गरिएको आविष्कार केन्द्रका अध्यक्ष महावीर पुनले बताए ।