- ११ श्रावण २०८३, सोमबार / Jul 27, 2026
काठमाडौं । नेपाल बैंकर्स संघको नयाँ कार्यसमिति आज घोषणा हुँदैछ । संघको अध्यक्षमा अनिल उपाध्याय सर्वसम्मत चयन भइसकेका छन् । एक साता अघि उपाध्याय नै अध्यक्ष हुने पक्का भए पनि घोषणा भने भएको छैन ।
वाणिज्य बैंकका प्रमुख कार्यकारी अधिकृतहरुको छाता संस्थाका रुपमा परिचित यस सस्थाको आज मंगलबार दिउँसो ४ बजे होटल र्याडिसनमा साधारणसभा छ । साधारणसभामा कार्यसमिति घोषणा गरिने संघका कार्यकारी निर्देशक अनिल शर्माले नयाँ विकल्पलाई जानकारी दिए । संघमा दुई नयाँ सदस्यहरू समेत चयन भएका छन् ।
नेपाल क्रेडिट एण्ड कमर्श बैंकका प्रमुख कार्यकारी अधिकृत रमेशराज अर्यालको कार्यकाल पूरा भएको र सनराइज बैंकका तत्कालीन प्रमुख कार्यकारी अधिकृत जनकशर्मा पौड्याल बैंकबाट बाहिरिए पछि दुई सदस्य रिक्त भएको थियो।
सदस्य पदमा लक्ष्मी बैंकका प्रमुख कार्यकारी अधिकृत अजय बिक्रम शाह र एनआईसी एशिया बैंकका प्रमुख कार्यकारी अधिकृत रोशनकुमार न्यौपाने चयन भएका छन् । रिक्त पदमा दुई जनाको मात्रै उम्मेदवारी परेकाले दुवै जना सर्वसम्मत चयन भएको कार्यकारी निर्देशक शर्माले बताए ।
