- १९ कार्तिक २०८३, बिहीबार / Nov 5, 2026
काठमाडौं । नेपाल रिपब्लिक मिडियाले आम नागरिकलाई सेयर स्वामित्व हस्तान्तरण गरेको छ । सर्वसाधारणलाई मिडियाको स्वामित्व महसुस गराउन जारी गरिएको आइपिओ (प्राथमिक सेयर निष्कासन) को अन्तिम बाँडफाँट सोमबार सम्पन्न भएसँगै रिपब्लिक मिडिया आम नागरिकको बनेको हो ।
प्राथमिक सेयरमा १२ लाख ९९ हजार ७ सय २७ जनाले आवेदन भरेको भए पनि ६ हजार ९ सय २० जनाको आवेदन रद्द भएपछि १२ लाख २७ हजार ५ सय ६९ आवेदन मात्र योग्य भएका थिए । गत जेठ २६ देखि ३० सम्म सर्वसाधारणका लागि ३६ लाख १९ हजार ८ सय ९१ कित्ता सेयर जारी गरिएको थियो ।
यसमा सर्वसाधारणको अत्यधिक रुचिका कारण ३.७ गुणा बढी आवेदन परेको थियो । अत्यधिक मागका कारण राउन्ड रोबिन प्रक्रियाअन्तर्गत ३ लाख ६१ हजार ९ सय ८९ आवेदकले १० कित्ताका दरले सेयर प्राप्त गरेका छन् ।
एक व्यक्तिलाई भने ११ कित्ता सेयर परेको छ । सेयर बाँडफाँट कार्यक्रममा अब सञ्चार क्षेत्रलाई संस्थागत गर्ने उचित समय आएको मिडियाकी प्रमुख कार्यकारी अधिकृत समृद्धि ज्ञवालीले बताइन् ।
