- ६ कार्तिक २०८३, शुक्रबार / Oct 23, 2026
आटो ढिड़ो खाऊँला, घास दाऊरा जाऊँला
आफ्नै गाऊँमा केही न केही, नयाँ गरौंला
बाँजो खेत जोतौंला, फल बिरुवा रोपौंला
फल, फूल, तरकारी बिक्री गरौंला
न जाऊ बूढा….अब काला पहाड़ !
गाई भैंसी पालौंला, खेतमा मल फालौंला
दूध, दही र घिउ बिक्री गरौंला
डाँडामा स्याऊ फलाऊँला, पाखामा टिमुर फलाऊँला,
बरु, बाख्रा र कुखुराको व्यापार गरौंला
न जाऊ छोरा….अब काला पहाड़ !
छोराछोरी हुर्काऊँला, पढ्न लेख्न पठाऊँला
घर सानो भए के भो त, सँगै सबै अटाऊँला
धाराको चीसो पानी पिऊँला, मस्त आफ्नो जीवन जीऊँला
बूढा आमाबुवाको सेवा गरौंला
न जाऊ दाजु….अब काला पहाड़ !
घरको बारी पलाऊँला, ताज़ा र शुद्ध तरकारी खाऊँला
आफ्नै भाषा र संस्कृतिमा रमाऊँला
सानालाई संस्कार दिऊँला, ठूलाको आशीष लिऊँला
जीवनमा असल बन्ने प्रयास गरौंला
न जाऊ भाई….अब काला पहाड़ !
बच्चाहरु हुर्केको आँखा अगाड़ी हेरौंला
जाँगर र परिश्रमले दुःखका दिन फेरौंला
छोराछोरीलाई पढ़ाऊँला, डॉक्टर र इंजिनियर बनाऊँला
सेवा गर्न तिनिहरुलाई गाऊँमा नै फर्काऊँला
न जाऊ साथी….अब काला पहाड़ !
राम्रो सँग पढौंला, हजुरले भनेको मानौंला
पढ्न लेख्न साथ साथै मेला पात पनि धानौंला
स्कूलबाट आई सके दाउरा चिरी ल्याऊँला
हामी पनि सँगै मिली काम गरौंला
न जाऊ बुवा….अब काला पहाड़ !
